ពេញចិត្តហ្មងអ្នកខាងច្បារអំពៅ! ដូមីណូភីហ្សាបើកសាខាទី៩ នៅបុរីប៉េងហួតបឹងស្នោ និងមានប្រូម៉ូស្សិនបញ្ចុះតម្លៃ ៥០ ភាគរយលើភីហ្សាគ្រប់រសជាតិ ចំថ្ងៃពិសេស ដឹងតែទទួលបានលាភជ័យលាភសំណាង
នេះជាដំណឹងល្អមួយសម្រាប់អ្នករស់នៅជុំវិញតំបន់ច្បារអំពៅ ក៏ដូចជាបុរីប៉េងហួតបឹងស្នោ នៅក្នុងឱកាសថ្ងៃពិសេសទី ២២/២/២២។ ហាងដូមីណូភីហ្សា ជាភីហ្សាល្បីលេខ១ មកពីសហរដ្ឋអាមេរិក បានបើកដំណើរការសាខាថ្មីមួយទៀត នៅក្នុងបុរីប៉េងហួតបឹងស្នោ (ខណ្ឌច្បារអំពៅ) តាមបណ្តោយផ្លូវ CLASTER ផ្ទះលេខ ១៩០-១៩២។ គិតត្រឹមខែកុម្ភៈ ឆ្នាំ២០២២ នេះ ហាងដូមីណូភីហ្សាមានសាខាចំនួន ៩ នៅកម្ពុជា និងមានច្រើនជាង ១៨ ០០០ សាខានៅជុំវិញពិភពលោក។
ក្នុងឱកាសដ៏ពិសេសនេះផងដែរ ហាងដូមីណូភីហ្សាក៏មានការផ្តល់ជូនពិសេសបំផុតដល់អតិថិជន ដោយមានការបញ្ចុះតម្លៃរហូតដល់ ៥០ ភាគរយលើភីហ្សាគ្រប់រសជាតិ រយៈពេល ២ សប្តាហ៍ពេញ។
លោក គួច សុខលី អគ្គនាយកក្រុមហ៊ុន YINKOK FOOD CORP ជាសម្ព័ន្ធក្រុមហ៊ុនដ៏ធំ ដែលបាននាំចូលនិងបើកដំណើរការហាងដូមីណូភីហ្សានៅកម្ពុជា បានបញ្ជាក់ឱ្យដឹងថា «ការបើកដំណើរការសាខាទី ៩ នៅក្នុងបុរីប៉េងហួតបឹងស្នោនេះ គឺជាការពង្រីកវិសាលភាពសេវាកម្មបន្ថែមទៀតក្នុងតំបន់ជុំវិញខណ្ឌច្បារអំពៅ និងពង្រីកខ្លួនឱ្យកាន់តែជិតនិងកាន់តែងាយស្រួលដល់អតិថិជន ដែលនិយមចូលចិត្តទទួលទានភីហ្សា និងអាហារសម្រន់ផ្សេងៗរបស់ហាងដូមីណូភីហ្សា។
លោក គួច សុខលី បានបន្ថែមទៀតថា «បន្ទាប់ពីឆ្លងកាត់ស្ថានភាពនៃការរីករាលដាលជំងឺកូវីដ១៩ នៅកម្ពុជា អស់រយៈពេលជិត ២ ឆ្នាំកន្លងមកនេះ ការរៀបចំបើកសាខាថ្មីរបស់ដូមីណូភីហ្សានៅបុរីប៉េងហួតបឹងស្នោនេះ គឺមានការគិតគូរខ្លាំងដើម្បីឆ្លើយតបទៅនឹងបរិបទកូវីដ១៩។ បច្ចុប្បន្ននេះ អតិថិជនភាគច្រើនមានទំនោរនិយមចូលចិត្តប្រើប្រាស់សេវាកម្មដឹកជញ្ជូនអាហារដល់គេហដ្ឋានឬកន្លែងធ្វើការ ដើម្បីកាត់បន្ថយហារនិភ័យក្នុងការឆ្លងកូវីដ១៩ ផង និងចំណេញពេលវេលាមិនស្ទះចរាចរណ៍ក្នុងការធ្វើដំណើរផង។ ដូច្នេះហើយទើបដូមីណូភីហ្សាសាខាបុរីប៉េងហួតបឹងស្នោ ផ្តោតសំខាន់លើការផ្តល់សេវាកម្មដឹកជញ្ជូនអាហារដល់ទីតាំងដោយឆាប់រហ័សនិងឥតគិតថ្លៃក្រោម ៣០ នាទីជូនដល់អតិថិជន។ អតិថិជនទាំងអស់អាចកុម្មង់អាហារតាមរយៈលេខទូរស័ព្ទ 1800 2020 (តេ Free ដឹក Free) និងគេហទំព័ររបស់ Domino’s Pizza ក៏ដូចជា App Domino’s Pizza Asia Pacific។
ជាមួយគ្នានេះ អតិថិជនក៏នៅតែអាចមកទទួលទានអាហារដោយផ្ទាល់នៅហាងផងដែរ ដោយហាងដូមីណូភីហ្សាផ្តោតលើការអនុវត្តតាមវិធានការសុវត្ថិភាពរបស់ក្រសួងសុខាភិបាល រួមមានការជូតសម្អាតសម្ភារៈនិងតុកៅអីក្នុងហាងដោយអាល់កុល ការចម្អិនអាហារប្រកបដោយអនាម័យខ្ពស់ ហើយបុគ្គលិកគ្រប់ផ្នែកសុទ្ធតែពាក់ម៉ាសការពារនិងបានចាក់វ៉ាក់សាំងរួចរាល់គ្រប់ៗគ្នា»។
គួរបញ្ជាក់ថា ហាងដូមីណូភីហ្សា(Domino’s Pizza) ត្រូវបានបង្កើតឡើងតាំងពីឆ្នាំ១៩៦០ ដោយលោក Tom Monaghan។ គិតមកដល់ឆ្នាំ២០២២ នេះ ហាងដូមីណូភីហ្សា មានសាខាច្រើនជាង ១៨ ០០០ ហាងនៅទូទាំងពិភពលោក។ ក្រុមហ៊ុន YINKOK FOOD CORP បានទិញសិទ្ធិអាជីវកម្មរបស់ហាងដូមីណូភីហ្សាមកបើកដំណើរការនៅកម្ពុជា និងមានសាខាសរុបចំនួន ៩ ទាំងនៅរាជធានីភ្នំពេញនិងខេត្តសៀមរាប រួមមានសាខាបឹងកេងកង ស៊ីធីម៉ល IFL ភ្នំពេញថ្មី ផ្សារដើមថ្កូវ ទួលគោក ពោធិ៍ចិនតុង The Heritage Walk ខេត្តសៀមរាប និងសាខាថ្មីទី ៩ នៅបុរីប៉េងហួតបឹងស្នោនេះ។ ហាងដូមីណូភីហ្សាមានជម្រើសភីហ្សាឈ្ងុយឆ្ងាញ់ពិសេសច្រើនរសជាតិ ជាមួយនឹងសំបកភីហ្សាដល់ទៅ៥ប្រភេទ ដោយចម្អិនតាមរូបមន្តស្តង់ដារដើមពីសហរដ្ឋអាមេរិក។ ជាមួយគ្នានេះ ដូមីណូភីហ្សាក៏មានលក់អាហារសម្រន់ជាច្រើន រួមមានស្លាបមាន់ នំប៉័ងខ្ទឹមស ឈីសស្ទីក ស៊ីណាស្ទីក និងភេសជ្ជៈផ្សេងៗទៀតផងដែរ៕
